cbecpy@gmail.com      +9198944 75754

முஷ்டாக் அலி டிராபி: மும்பை அணிக்கு திரும்பினார் பிருத்வி ஷா!

Home / Cricket / முஷ்டாக் அலி டிராபி: மும்பை அணிக்கு திரும்பினார் பிருத்வி ஷா!
  17-Feb-2019  
Cricket Back to

காயம் காரணமாக சிகிச்சை பெற்று வந்த இந்திய கிரிக்கெட் அணியின் இளம் வீரர் பிருத்வி ஷா, இப்போது மும்பை அணிக்குத் திரும்பியுள் ளார். 

ரஞ்சி டிராபியில் விளையாடும் அணிகளுக்கு இடையே, சையத் முஷ்டாக் அலி கோப்பை டி-20 கிரிக்கெட் தொடர் நடைபெற்று வருகிறது. இந்த வருடத்துக்கான தொடர், வரும் 21 ஆம் தேதி முதல் மார்ச் 2 ஆம் தேதி வரை நடக்கிறது. இந்தப் போட்டியில், இந்திய அணியில் இடம் பிடித்துள் ள முன்னணி வீரர்கள் விளையாடுகின்றனர்.

மும்பை அணி, ரஹானே தலைமையில் களம் காணுகிறது. இதில் காயம் காரணமாக கடந்த சில மாதங்களாக ஓய்வில் இருந்த பிருத்வி ஷா விளையாடுகிறார். மும்பையை சேர்ந்த 19 வயது வீரரான பிருத்வி ஷா, கடந்த வருடம் அக்டோபர் மாதம் வெஸ்ட் இண்டீஸ் அணிக்கு எதிராக டெஸ்ட் தொடரில் அறிமுகமாகி, சதம் அடித்தார். 

இதையடுத்து அவர் ஆஸ்திரேலிய தொடருக்குத் தேர்வானார். அங்கு நடந்த பயிற்சி ஆட்டத்தின் போது அவரது கணுக்காலில் காயம் ஏற்பட் டது. இதனால் இந்தியா திரும்பிய அவர், சிகிச்சைப் பெற்று வந்தார். இப்போது உடல் நலம் தேறியுள்ள அவர், சையத் முஸ்டாக் அலி டிராபிக் கான போட்டியில் விளையாடுகிறார்.

இதுபற்றி பிருத்வி ஷா கூறும்போது, ‘’காயம் காரணமாக ஆஸ்திரேலிய டெஸ்ட் தொடரில் விளையாடாததில் வருத்தம்தான். இருந்தாலும் ஆஸ்திரேலியாவில் இந்திய அணி டெஸ்ட் தொடரை வென்றதில் மகிழ்ச்சி. இப்போது உடல் நலம் தேறிவிட்டேன். மும்பை மற்றும் இந்திய அணிக்காகக் களமிறங்கி சிறப்பாக விளையாட வேண்டும் என்று நினைக்கிறேன். அதற்கான நாட்களை எதிர்பார்த்துக் கொண்டிருக்கிறேன்’’ என்றார். 

பெங்களூரில் உள்ள இந்திய கிரிக்கெட் அகாடமியில், பயிற்சி பெற்ற பிருத்வி ஷா, கடந்த வியாழக்கிழமை ’யோ யோ’ டெஸ்ட்டில் தேர்வாகி யுள்ளார்.

முஷ்டாக் அலி போட்டிக்கான மும்பை அணி:
ரஹானே (கேப்டன்), பிருத்வி ஷா, ஸ்ரேயாஸ் ஐயர், ஷர்துல் தாகூர், தவால் குல்கர்னி, சித்தேஷ் லாட், ஆதித்யா தாரே, சூர்யகுமார் யாதவ், ஆகாஷ் பார்கர், ஏக்நாத் கெர்கர், துருமில், ஷாம்ஸ் முலானி, சுபம் ரஞ்சனே, துஷார் தேஷ்பாண்டே, ராய்ஸ்டான் டயஸ்.

Source : WWW.PUTHIYATHALAIMURAI.COM

  Contact Us
  Creative Point

Coimbatore

Tel : + 91 98944 75754
Mail : cbecpy@gmail.com
Business Hours : 9:30 - 5:30

  About

Follow us on Social Media

Site Map
Show site map
  Introduction

Post your company classifieds at free of cost.