துபாயில் நடந்த ஏசியாவிஷன் திரைப்பட விருது விழாவில், நடிகர்கள் ரன்வீர் சிங், தனுஷ், விஜய் சேதுபதி மற்றும் நடிகை த்ரிஷாவுக்கு விருதுகள் வழங்கப்பட்டன.
13-வது ஏசியாவிஷன் திரைப்பட விருது வழங்கும் விழா, துபாயில் கடந்த சனிக்கிழமை இரவு நடந்தது. இதில் நடிகர்கள் ரன்வீர் சிங், ஆயுஷ்மான் குரானா, தனுஷ், விஜய் சேதுபதி, டோவினோ தாமஸ்,
நடிகைகள் கியாரா அத்வானி, த்ரிஷா, மஞ்சு வாரியர், ஐஸ்வர்யா லட்சுமி உட்பட பலர் கலந்துகொண்டனர்.
இதில் சிறந்த நடிகர் விருது ரன்வீர் சிங் (பத்மாவத்), விஜய் சேதுபதி (விக்ரம் வேதா), சிறந்த நடிகை ஆஷா சரத் (பயணகம்- மலையாளம்), சிறந்த நடிகர், விமர்சகர் விருது, தனுஷ் (வடசென்னை, மாரி 2), சிறந்த பெர்பாமர் விருது,
சாதனா (பேரன்பு) ஆகியோருக்கு வழங்கப்பட்டன. கடந்த பத்தாண்டுகளாக சிறப்பாக நடித்து வரும் த்ரிஷாவுக்கு, சிறப்பு விருது வழங்கப் பட்டது.