‘மாநாடு’ திரைப்படத்திலிருந்து நடிகர் சிம்பு நீக்கப்பட்டுள்ளதாக தயாரிப்பு நிறுவனம் அறிவித்து இருக்கிறது.
வெங்கட்பிரபு இயக்கத்தில் உருவாக உள்ள ‘மாநாடு’ படத்தில் சிம்பு கதாநாயகனாக நடிப்பார் என தெரிவிக்கப்பட்டது. அதைத் தொடர்ந்து சிம்புவும் உடல் எடையைக் குறைக்க தீவிர முயற்சியில் ஈடுபட்டு வருவதாகவும் கூறப்பட்டது. கடந்த மாதம் மலேசியாவில் தொடங்க இருந்த படப்பிடிப்பு, சில காரணங்களால் இதுவரை தொடங்கப்படவில்லை.
இந்நிலையில் சிம்பு நீக்கப்படுவதாக அறிவிப்பு வெளியாகியுள்ளது. படத்திலிருந்து சிம்பு நீக்கப்பட்டுள்ள நிலையில், அவருக்கு பதிலாக வேறோரு நடிகர் ஒப்பந்தம் செய்யப்பட்டு படம் உருவாக்கப்படுமென தயாரிப்பாளர் சுரேஷ் காமாட்சி தெரிவித்துள்ளார்.